琴晚訓得ｏｋ喎，可能攰啦～～

今朝８點半你問我肚餓未，未喎～我未訓醒多ｄ，再訓過，訓到１０點半你又問我肚餓未．．．都知你肚餓，就起身梳洗完，落茶餐廳食個午餐，食我既至愛－沙爹牛肉通，仲有個奄列，多士，熱檸茶，食到好飽飽～掃住肚皮返屋企咯～

上下網，點半就出門口喇，因為你今日要開工呢～陪你開工到３點１０，我就要走咯～講左返屋企吃飯．．．

５點幾返到屋企，當然，阿爸阿媽都係黑面啦～係我預期既反應，我都唔知有咩好黑面，佢地黑面，我亦無謂自掘墳墓，都係少講野為妙，同細佬吹下水算～

唔知呀～其實ｅ幾日都好唔開心，你叫我唔好成日唔開心，我都唔想架～婦人之仁就係咁，你地認為係好小事既野，我們都會為著ｅｄ小事唔開心，你地可能會覺得我地自尋煩惱，將問題放大～其實都唔係架，ｅｄ不過係男人同女人既觀點唔同，大家都有好多矛盾！好似你今日講，好多野都係過眼雲煙，有聚就有散，唯獨係事業你會看重～聽左都有ｄ不是味兒，因為你比我覺得，我同你一齊都可有可冇，有緣未一齊，冇緣未會散～唉．．．有時會覺得，不如算數！無疑，同你一齊係開心，但好似係開心一日就得一日咁．．．好似ｅ種開心唔會長久咁，有時會想：既然係咁，不如唔好浪費時間，你話唔係咩？我係一個平凡既女人，ｅ＋唔再追求什麼激情，我只追求安穩去愛一個人，而ｅ個人又比到安穩既感覺我，心裡得我一個，為我設想，著緊！唔知呀～想到ｅ到，就會唔開心囉．．．嗚～～

想有人明白我都咁難～想屋企人開通ｄ又係難，做人點解會咁辛苦呢？點解會為著身邊既人令到自己咁唔開心？？我係未有病呀？我唔想成日唔開心，成日喊～我想身邊有人支持我，而唔係孤立我～